القائمة الرئيسية

الصفحات

البوست دا عشان الناس الى عايزة تخطط صح ويكونوا جاهزين لهجرة كندا صدقونى الهجرة وقت وترتيب اوراق وتخطيط مش اكتر وكل حالة وليها الوقت بتاعها في التحضير.

علشان ندخل كندا عمالة ماهرة يبقي لازم نجيب درجات عالية في اكسبرس انترى زى مثلا 435 ولودرجاتك اقل من كدا هتحتاج ترشيح مقاطعة عن طريق اكسبرس انترى او تقدم برنامج مقاطعة كيبك الى هو منفصل عن برنامج اكسبرس انترى خلينا نوضح الكلام دا:

1-الشباب الى معاها ماجستير و دكتوراة او خريجى بكالريوس مثل طب بشرى اسنان بيطري وصيدلة وليسانس حقوق بيتم تقيمهم كامجستير وليس بكالريوس او ليسانس يعنى وانت بتعمل بروفيل على اكسبرس انترى بتختار ماجستير ماتخترش بكالريوس: الشباب دى بقي حلهم الوحيد لو كانوا يعملوا في نفس تخصص المؤهل الايلتس 8 استماع والباقي 777 عشان يجيبوا درجات عالية لان الوظايف دى ماشوفتهاش مطلوبة قبل كدا في اى مقاطعة لو بيشتغلوا وظيفة تانية مطلوبة في اى مقاطعة الحل هيكون تجيب ايلتس لايقل عن 6666 وتقدم اكسبرس انترى وتحاول مع المقطعات وفي نفس الوقت تقوي الانجليش وتمارين ايلتس عشان تجيب الايلتس الى يساعدك على الهجرة بدون ترشيح مقاطعة طيب لو موش عارف تجيب ايلتس عالى ولا مهنتك مطلوبة في اى مقاطعة طبعا ليها حل بس انا موش مقتنع بيه للناس الى معاها المؤهلات دى عشان هياخد وقت اكبر وهى انهم يتعلموا فرنسي ويجيبوا B2 ويقدموا كيبك يعنى الموضوع مش هياخد اقل من سنة ومذاكرة بجد وكيبك برنامج الهجرة بتاعها بياخد سنتين او تلاتة بعد التعديلات الى لسة ماتطبقتش لاكن اكسبرس انترى بعد التقديم سنة بالكتيرة تكون في كندا باذن الله يعنى من وجهة نظرى مذاكرة ايلتس بجد ويبقي تمام ان شاء الله

2-الناس الى معاها مؤهلات غير الى الى فوق ليهم حلول طبعا اولهم ترشيح مقاطعة يعنى وظيفتك تكون مطلوبة طيب لو موش مطلوبة الحل انك تتعلم فرنسي وتجيب B2 وتقدم كيبك وفي نفس الوقت تشد في الانجليش وتجيب 8 استماع و777 في الباقي وتقدم اكسبرس انترى وتخلى الانجليش اللغة الاولى والفرنسي اللغه التانية هتلاقي نفسك داخل على 450 درجة وبلاش تقدم فرنسي لغة اولى وانجليش تانية علشان هتاخد درجات اقل خلى الانجليش اللغة الاولى والفرنسي لغة تانية.

3-كيبك بقي ياشباب هتحبها لو طلع مؤهلك في ال area of training خصوصا لو الفئة A ودول علوم حاسب وهندسة حاسبات كل الى هتحتاجوا ايلتس 5.5 وهتبقي تمام طيب شباب الفئة B ايلتس 5.5 تمام معاك لومتجوز وعندك طفل او طفلين وهتساعدك الزوجة بقي لو معاها مؤهل من الفئة B وانصحك لو زوجتك معاها مؤهل فئة A خليها المقدم الرئيسي لو خبرة سنة كفايا

4-الناس الى موش ليهم ترشيح مقاطعة و شايفة انة مستحيل تجيب ايلتس عالى اتعلم فرنسي وقدم كيبك ووقت مايجيلك نصيبك بقي

5-الناس الى بتدرس او متخرجيين جديد اتعلموا انجليش كويس جدا جدا وفرنسي فوق متوسط كفايا علشان تكون جاهزين لليوم دا وتلاقوا نفسكوا في فترة بسيطة جدا في كندا

ملاحظات:
=====
1-شباب الماجستير والدكتوراة هتحتاج خبرة 3 سنين على الاقل لو هتقدم بايلتس عالى لو ناوى على ترِشيح مقاطعة 6666 كفايا

2-الشباب الى ناويين على تشريح مقاطعة علشان معاهم بكالريوس او ليسانس هتحتاج خبرة لا تقل عن 4 سنين والايلتس بقي الى هيحكم يعنى مثلا خبرة 4 سنين ممكن تحتاج ايلتس اكتر من 6666 ممكن نقول 7777 لاكن خبرتك 5 سنين 6666 كفايا طبعا هتشوف المقاطعة الى طالبة مهنتك وتحسب عدد سنين خبرتك مع الايلتس ولو ماجبتش الدرجات هتزود الايلتس بتاعك وتشوف وبعدها تذاكر بقي عشان تجيب المطلوب طيب لو مهنتك اتشالت عادى هترجع تاني في يوم من الايام لو مارجعتش عليك وعلى كيبك

3-النص نقطة اوقات بتفرق كتيرر في درجات الايلتس مثلا جبت 8 استماع و7 قرأة و7 كتابة و6.5 تحدث النص الي ناقص دا من التحدث هينزل درجاتك كتير يعنى مهم تشوفوا النقاط المطلوبة لكل CLB level كام

4-كل جهات التقييم من WES ماعدا طب وصيدلة من pebc

5-عشان تتعلم فرنسي كويس اتعلم قواعد الاول هتسهلك كتيرر زى ماقالى صديق مغربي قواعد اللغه الفرنسية قواعدها
---------------------------------------------------------------
احسب درجاتك على اكسبرس انترى
http://www.cic.gc.ca/english/immigrate/skilled/crs-tool.asp

عشان تشوف الدرجات الى محتاجها في IELTS or TEF
http://www.cic.gc.ca/english/resources/…/language/charts.asp

شوف وظيفتك برقمها على موقع الهجرة
http://www.cic.gc.ca/english/immigrate/skilled/noc.asp

لمعرفة المقاطعات الي طالبه وظيفتك وشروطها الى ممكن تكون سهلة وممكن تكون صعبة
https://myimmitracker.com/en/ca/noc/codes

اكسبرس انترى بتفاصيلها
http://www.cic.gc.ca/en…/immigrate/skilled/apply-factors.asp



اهم مقاطعتين بتعمل ترشيح مقاطعة ساسكشون
http://www.saskatchewan.ca/…/applic…/assess-your-eligibility


دا موضوع واحد كاتبوا لية تهاجر كندا
https://www.quora.com/Is-it-a-good-idea-to-immigrate-to-Can…
هل اعجبك الموضوع :

تعليقات