القائمة الرئيسية

الصفحات

تكاليف المعيشة فى امريكا بالتفصيل


أمريكا ، تكاليف المعيشه !

كتب هيثم الصدفاوي 


ده سؤال بيشغل بال ناس كتير ، وبنكون عايزين نعرف هنصرف كام تقريبا شهريا ، علشان نعمل حساباتنا علي اول فتره ،
طبعا مفيش قاعده ثابته للموضوع ده وبيختلف من شخص ل شخص ومن ولاية ل ولاية ، ومن عازب ل أسره ،
العازب طبعا اموره اسهل ، هيقضيها في اي اوضه في شقه مع اي حد ، ويشتغل اغلب الوقت ، ويأكل اي حاجه قصاده ، انت بتكلم هنا علي العموم وفي اختلافات بين شخص وشخص ، بس ده الغالب ،
الاسره بقي ، الوضع هنا بيختلف ،
اسره مع أطفال او بدون أطفال ،


اول حاجه هتاخد منك مصاريف هي السكن ، اكتر مبلغ شهري هتدفعه بيكون للسكن ، السكن هتلاقي فيه اختلاف كبير بين الولايات وبعضها وبين مناطق نفس الولايه ، بالنسبة الاسره اللي معاها أطفال ، هتلاقي نفسك طبعا عايز تسكن جمب مدرسه تقييمها عالي علشان اولادك يكونوا مرتاحين ، وبالتبعيه المدارس اللي تقيمها عالي السكن حواليها بيكون اعلي سعر شويه من باقي المناطق ، انا هنا بتكلم عن المدينه اللي انا فيها ، في سكن أوضتين وصاله وحمام ب تسعمائه دولار بس المدرسه اللي جنبها تقيمها ضعيف ، ف سكنت في منطقه تأتي السكن فيها غالي لان المدرسه تقييمها اعلي ،


الاسره بدون أطفال معندهاش مشكله ، بس الاختيار هنا بيكون تبعا لمنطقه فيها أمان ، وهنا اي موقع زي تروليا مثلا ، هتلاقي فيه تقييم لمنطقه اللي هتسكن فيها من ناحية الأمان ، وبيجيلك كل الحوادث ايا كانت اللي حصلت في المنطقة دي ، حتي لو كانت معاكسه تليفون ونصل عليها بلاغ ، ف بكده تقدر تعرف الأمان اخباره ايه ، في المنطقة اللي انا فيها اوضه وصاله ب ٧٠٠ دولار لأسره بدون أطفال ،


الاكل والشرب ، هنا بقي الاسره اللي معاها اطفال محظوظه شويه ، لانهم يقدموا علي فود ستامب ، ودي مساعدات شهريه بتتقدم للأطفال ، عباره عن كارت بتقدمه الحكومه ، بيتم شحنه شهريا ، حاجه كده زي التموين ، وكل طفل له مبلغ معين بيختلف من ولايه وبيختلف حسب دخل الاسره ، ف كلما الدخل زاد ، الدعم هنا بيقل والعكس ، وبيتابعوا معاك شهر بشهر ، علشان لو وصلت ل مستوي دخل معين ممكن ساعتها ماتاخدش ألمساعده دي ،



ف المجمل هتلاقي الاسره اللي ب أطفال هتسكن أغلي بس هتوفر في الاكل والشرب وهو رخيص بالمناسبه عن طريق الفود ستامب ،
الأسره بدون أطفال ، في محلات هنا اسمها dollar family , dollar tree , dollar general , كل حاجه فيها ب دولار ، عامله زي ابو ريالين في السعوديه واخر العنقود في مصر ، فيها كل حاجه من الأبره للصاروخ ومستلزمات البيت والاكل والشرب ،
المولات الكبيره بتعمل عروض كتيره ، ف لازم تكون عارف هتجيب ايه من فين .
هديكم مثال ليوم ليا مثلا في المصاريف ،


الافطار ، علبه فول ب دولار ، علبه جبنه بتكفي يومين ب تلاته دولار ، عيش بدولار ، بيض بدولار ( خمسه )

الغداء فرخه بخمسه دولار او اقل( موجوده في ولمارت ) ، رز بدولار ، عيش دولار ، كيس بسله مثلا بدولار ، تجهيزهم زيت وبصل وخلافه دولارين ،

العشاء زبادي او بيض اوفواكهه ايا كانت تلاته دولار
ده لاسره من طفلين ، يبقي الاجمالي من عشره ل خمسة عشر دولار في اليوم ، طبعا بالفود ستامب الموضوع ده هيبقي ببلاش ،
بس ده المتوسط ، في المدينة اللي انا ساكن فيها ،


تدخل بقي علي باقي الفواتير. ، كهرباء من خمسين دولار وانت طالع ، انا مركب لمبات موفره ، المياه عشره دولار ، الزباله عشره دولار ، التليفون خطين ب تمانين دولار مفتوح نت ومكالمات ، بنزين العربيه بيختلف من شخص ل شخص طبعا ، وحسب انت بتركب مواصلات ولا لا ، بس حط متوسط مش اقل من مائه دولار لشخص بيروح من البيت للشغل ومشاوير خفيفه ، وتأمين العربيه شهريا بيختلف من شركه لشركه ، انا مأمن في شركه ب ٨٥ دولا في الشهر ، وده اجباري ،


التامين الصحي للبالغين بيختلف في ولايات بتوفره وولايات لا ، انا لِسَّه من غير تامين صحي مجرد ما ربنا يسهل الأمور والاقي حاجه مناسبه هكتبهالكم ،


في تذاكر للباص هنا مفتوحه شهري لو مش معاك عربيه ، ٧٥ دولار في الشهر ، تركب في اي وقت وكل الاتجاهات ،
فرش البيت عليك وعلي فيس بوك ماركت بليس ، هتفرش بيتك فرش حلو وارد جدا يبقي ببلاش وانت ونصيبك بقي ، بس ده اللي انا عملته ،


ما عدا البطانيه وملاياتها واالفوط كنت جايبها معايا معايا والمرتبة اشتريتها من وولمارت .
الامثله دي انا مريت بيها وعايشها ، وخاصه بيا في فلوريدا بالتحديد ، ممكن تديك تصور عام تحسب عليه ، وطبعا بتختلف من ولايه ل ولائه ومن مكان ل مكان ،


اخر حاجه ، اي فلوس هتجيبها معاك ايا كانت هتنفعك ، حوش علي قد ما تقدر ، والحمد لله ان المصريين من طبعهم انهم بيحبوا الادخار ، ف اعمل حسابك علي كل قرش تقدر توفره ،


انا حسبتلك المتوسط علي الأقل في منطقتي ، في ناس تانيه ممكن تصرف اكتر ، بس صعب تصرف اقل ، او ده حاجه ترجعلك ،
تحياتي للجميع ، وربنا يوفق الكل ويسهل علي الكل ، وأتمنى اي حد عنده معلومه ميبخلش بيها علي الناس .


ما ذكر كله معلومات مش وجة نظرى يعني واقع انا عايشه وبحكيه والهدف منه مساعدة الناس ، فا أرجوكم متحملونيش فوق طاقتي في نقاش فرعي عن وجهات نظر بتختلف تبعا ل روية كل شخص وتبعا ل مستواه المادي اللي عايش فيه او اللي عايش يعيش فيه .


تكلفة وسائل النقل العام

 ناتي الان الى تكاليف النقل ، تكلفك وسائل النقل حوالي 50 الى 150 دولار شهريا ، فالاسعار تتراوح حسب الولاية او المكان والوسيلة باص او ميترو وغيرها من الوسائل كما ان اسعار السيارات المستعملة هي الاخرى رخيصة في امريكا تتراوح مابين 1000 دولار الى 6000 دولار وهذا حسب السنوات المستعملة.
  تكلفة الاكل والشرب( الفطور + الغذاء + العشاء + المشروبات 
تتراوح اسعار الاكل والشرب في امريكا مابين 100 الى 200 دولار شهريا ان كنت تطهو في المنزل يعني تشتري حاجياتك من المول وتطهو لنفسك لانك بهذا ستوفر الكثير من المال بهذه الطريقة ولاتاكل في الخارج الا حينما يتعذر عليك الامر اما بالنسبة للذي ياكل في المطاعم فانه سينفق الكثير لنفترض ان متوسط وجبتين يتراوح سعرهما مابين 10 و20 دولار فنك ستنفق شهريا ما قيمته 300 الى 600 دولار.



تكاليف التطبيب والأدوية 


يجب على كل مهاجر جديد الى الولايات المتحدة يضع في حسبانه غلاء التطبيب في امريكا فهو غالي جدا لان صيانة ضرس واحد يكلفك اكثر من 500 دولار الى جانب زيارة طبيب مختص قد تكلفك اكثر من200 دولار اما المستشفى والاستعجالات فهي غالية جدا تصل الى 8 الاف دولار او اكثر حسب المرض فالحياة تصبح صعبة للمرضى الذين لا يملكون تامين.

  تكاليف الماء و الكهرباء و الهاتف

ترتبط تكاليف الماء والغاز في امريكا بعاملين هما نوع الطقس والاستعمال اذا كنت في تقيم  ولاية  باردة فانه يتحتم عليك استعمال الغاز والكهرباء بكثرة وبالتالي ستدفع مابين 200 الى 400 دولار لفاتورتيهما شهريا في حين انك ستستعمل الماء والكهرباء بكثرة اذا كنت في ولاية حارة ستدفع في هذه الحالة 200 الى 300 دولار شهريا  ليس مثل بعض الدول كل ثلاثة اشهر، اما بالنسبة لخدمات الهاتف فتصل 40الى 60 دولار شهريا متضمنة انترنت فائق السرعة ومكالمات محلية مجانية واس ام اس دولي مجاني وهذا ما ينطبق على سيمبل موبايل.

تكلفة وجبة غذائية لشخص واحد في المطاعم العامة

تتراوح تكلفة شرب فنجان قهوة  في مقهى عمومي مابين 1.5الى 5 دولار اما بالنسبة  لوجبة غذائية لشخص واحد فقد تكلفك

5 الى 10 دولار


كم تكلفة الدراسة ؟



حسب التخصص و الشهادة و الجامعة

من 5000 دولار الى 30000 دولار سنويا

أفضل شيء أن يبدأ الفرد الدراسة في كلية المجتمع community college

هذه الأخيرة قد لا تتعدى في الغالب 2000 دولار سنويا

كم يمكن توفيره شهريا ؟ (إذا اعتبرنا أن : التوفير = الأجرة – المصاريف اليومية و الشهرية الضرورية)أنت و تسييرك ونفقاتك

لنفترض أنك تعمل في مطعم أو قابض فإن دخلك يكون في حدود 1000 دولار مع اقتطاع الضرائب بـ 7 دولار للساعة

ونفترض أنك كاري مع جماعة يدفع كل واحد 300 دولار شهريا+100 دولار فواتير+ 150 دولار أكل+100 دولار نقل+ مصاريف شخصية.حسب هذه المعطيات ستوفر 300-500 دولارو ممكن لا شيء الأمر يعود اليك وممكن أكثر.في الأخير , هنا نسب البطالة بأمريكا
هل اعجبك الموضوع :

تعليقات