القائمة الرئيسية

الصفحات

هنا كل ما تريد معرفته عن طلب لم الشمل I-130 فى امريكا

 
ابانوب امين محامى هجرة 

هنا كل ما تريد معرفته عن طلب لم الشمل I-130..

اليكم شرح بسيط لطلب I-130 ..

يمكن إصدار تأشيرة الهجرة تحت العديد من الظروف. والتأشيرة الأكثر شيوعا يتم إصدارها لأقارب الدرجة الأولى للمواطنين الأمريكيين، والأقارب على أساس عائلى للمواطنين الأمريكيين أو المقيمين الدائمين، وخطيبة او خطيب المواطن الامريكي وبعض المتقدمين المحددين على أساس الوظيفة. وتبدأ المعاملة بتقديم استمارة (تسمى “طلب” I-130) لدائرة خدمات المواطنة والهجرة الأمريكية. وإذا تم إصدار تأشيرة الهجرة فان صاحبها يحصل على الإقامة الدائمة في الولايات المتحدة.

**كيفية التقدم لطلب I-130 المعروف ب طلبي لم الشمل :
عباره عن تقديم من قريب درجه أولي بيقدم طلب لاداره الهجره USCIS بالموافقه للقريب ده علي السفر لامريكا، سن المقدم للطلب ٢١ سنه و ما فوق 

* الجرين و الجنسيه يقدر يعمل لم شمل بس لأشخاص معينه 

١- الجنسيه يقدر يقدم للابناء فوق و تحت ٢١ سنه سواء متزوجين او لا وحسب حالتهم الاجتماعيه و سنهم بيتحدد مده الانتظار لحين المقابله
٢- بالجنسيه يقدر يقدم للزوجه
٣- بالجنسيه يقدر يقدم للأخوات
٤- يقدر يقدم للأب و الام 



* الجرين كارد.
١- يقدر يقدم للزوجه
٢- يقدر يقدم للابناء فوق و تحت ٢١ سنه بشرط يكونوا مش متزوجين و ميقدرش يقدم لحد غير دول الا بعد الجنسيه و لو الأبناء اتجوزوا و اللي مقدم لسه جرين يبوظ الاوراق. 


طريقة التقديم:
اولا بيقوم الطرف اللي في امريكا بملئ استماره I-130 من موقع USCIS

رسوم الطلب بتكون 535$
و حسب نوع القرابه بيتبعت ادله إثبات العلاقه

يعني المتزوجين بيبعتوا صور و شهادات الجواز و شات مشترك و ايجار مشترك
و الاخوات بيبعتوا شهادات الميلاد و قسيمه جواز الاب و الام

وكل الأطراف لازم إرسال صور 5*5 خلفيه بيضا زي صوره الهجره بالظبط و صور الجرين كارد او صوره من شهاده الجنسيه و الباسبور الامريكي 

ملحوظه مهمه جدا
اللي بيعمل لم شمل بالجنسيه و هيعمل
لم شمل للزوج او زوجه و اولاد لازم كل فرد علي وحده
يعني الزوج او الزوج يتعمل باسمها i-130 و متعلقاتها
و كذلك كل طفل يتعمل باسمه نفس النظام و الدفع لكل شخص علي حده

اما الجرين كارد يقدر يعمل للزوج و للزوجه و الاولاد تحت ٢١
بعد وصول الورق للعنوان بننتظر لحد الابروفال من USCIS
غالبا متوسط من ٤-٦ شهور
مع بعض المراكز ممكن توصل من ٦-٩ شهور
لولا قدر الله الحاله مخدتش ابروفال او اترفضت بيكون ليك الحق تعمل Appeal يعني إستئناف

بعد الابروفال بنخش المرحله التانيه و هي مرحله National visa center (NVC) بعد وصول الورق بأسبوعين بتتصل بيهم او انتظر ايميل منهم برقم الحاله الجديد Case number ورقم الانفويس Invoice number و نبدأ خطوات مرحله NVC
و شرحهم علي الموقع ده


و الخطوات دي عباره عن
1-choose agent
شخص محل ثقه داخل امريكا ممكن يكّون اللي مقدم الطلب او قريب ليه داخل امريكا

2-pay fees 120$
335$ لكل فرد داخل المقابله علي حده

3-submit DS260
4-collect financial documents
الخاص بالضمان و الضامن المساعد اذا دخل الضامن الرئيسي لا يسمح

5-collect supporting documents
اوراق الحاله الجنائيه و الفيس و التشبيه من بلد المقدم باسمه الطلب واي دوله زارها لمده اكتر من ٦شهور متواصلين وصورالباسبورات لكل فرد داخل المقابله

6-submit document to NVC إرسال الاوراق الي NVC
علي عنوانهم او اونلاين


مدد الانتظار 

اولا
١- بالجرين لم شمل للزوجه و الاولاد تحت سن ٢١ غير متزوجين بياخدوا من سنتين الي سنتين و نص

٢- بالجرين لم شمل للابناء فوق ٢١ غير متزوجين
الانتظار ٧ سنوات ولازم يفضلوا بدون جواز والا يبوظ الورق
او يتجوزوا بعد حصوله علي الجنسيه ساعتها يبقي الانتظار ١٢ سنه 


ثانيا 

١- بالجنسيه للزوج او الزوجه الانتظار من سنه الي سنه و نصف


٢- بالجنسيه الأبناء تحت ٢١ و غير متزوجين قدام المقدم للطلب حلين اما نقل الجنسيه ليهم بشروط معينه او يجوا لم شمل خلال سنه او سنه و نصف و ينقل ليهم الجنسيه بعد سنه من دخولهم امريكا 

٣- بالجنسيه الأبناء فوق ٢١ بدون زواج الانتظار ٥ سنوات
بشرط عدم الزواج والا يدخلوا شريحه الأبناء المتزوجين و يزيد الانتظار 


٤- بالجنسيه الأبناء المتزوجين ١٢ سنه
و يجي الأبناء وأسرهم وابناءهم تحت سن ٢١ يوم المقابله 


٥- بالجنسيه ل الاخوات الانتظار ١٣ سنه
و يجي الاخوات وأسرهم و ابناءهم تحت سن ٢١ يوم.

تعليقات