القائمة الرئيسية

الصفحات

الهجرة الى الدنمارك بدون لغة وبدون حساب بنكى واشهر برامج الهجرة

 
الهجرة الي الدنمارك  هنتكلم النهاردة في نظام هجرة جديد بدون لغة وبدون حساب بنكي وهو نظام ( هجرة الدنمارك ) بشرح بسيط و سهل و كافي برجاء قراءة الموضوع جيدا من بدايته الي نهايته لان اي سؤال إجابته موجوده في الموضوع او مشروحه في البوست لن يتم الاجابة عليها لان البعض يستسهل ولا يقراء ثم يسأل اسأله لو قرء الموضوع لن يسألها و اذا كنت لا تستطيع أن تصبر علي قارئة هذا الموضوع فلا تفكر في الهجره او السفر و لا تشغل ذهنك
 
 
*  الدنمارك عاملة 10 برامج للهجرة إلى أراضيها لكن أنا النهارده هتكلم عن اهم خمس برامج منهم
 

 البرنامج الاول اسمة ( Positive list scheme )

 
وده برنامج هجرة للعمالة المهرة ، زي كندا واستراليا ونيوزيلندا
وهو اسهل برنامج واكثر برنامج مناسب للجميع 
 
مميزات البرنامج 
 
1- مش مطلوب منك في البرنامج ده اي شهادات لغة  يعني مش مطلوب منك أي لغات  بدون انجلش وبدون دنماركي 
2- مش مطلوب منك اي حساب بنكي  علشان تقدم
3- مش مطلوب منك تجميع نقط عكس كندا و استراليا  و نيوزيلاندا 
4- مش مطلوب منك سنين خبره معينه  في وظيفتك 
5- مفيش حد ادني أو حد أقصي للعمر يعني تقدر تقدم ع البرنامج دة مهما كان عمرك 
 
الشرط الأساسى للبرنامج 

ان وظيفتك تكون مطلوبة في الدنمارك و البرنامج ده الوظائف المطلوبه فيه بتتجدد مرتين في السنه مره في يناير ومرة في يوليو يعني حتي لو وظيفتك مش مطلوبه حاليا فمتقلقش في شهر يوليو الجاي قائمة الوظايف هتتجدد بشكل دوري
 
رابط التقديم من هنــــــا
 

 البرنامج التاني اسمه ( Authorisation Scheme )

 
 وده برنامج معمول مخصوص ل اي حد شغال في اي تخصص طبي سواء طب بشري أو اسنان أو صيدله أو بيطري أو تمريض أو علاج طبيعي وعايز يعمل معادلة كاملة لشهادتة في الدنمارك عشان بعدها ياخد الإقامة ويستقر في الدنمارك
 
مميزات هذا البرنامج 
1- مش بيشترط أنه يكون معاك لغة دنماركية عشان تعمل المعادله عكس اي دولة تانيه بيشترطوا أنه يكون معاك لغة عشان تعمل المعادله ودي فرصه كبيره جدا ل اي تخصص طبي 
 
لأن البرنامج ده بيسمحلك انك تسافر من غير ما يكون معاك لغة ولما تسافر تقدر تتعلم الدنماركي وانت موجود هناك في الدنمارك قبل ما تمتحن ال ( professional test )  امتحان المعادلة .
 
وكمان بتقدم علي تصريح عمل مؤقت تشتغل بيه في الدنمارك ك part time job دوام جزئي لغاية لما تخلص المعادله بتاعتك وبتاخد work permit منفصل اسمه
Employment for adaptation and training purposes
يعني تصريح عمل لحين انتهاء المعادلة
ال processing time للبرنامج ده شهر واحد فقط ورسوم التقديم ٢٠٠٠ كرونا دنماركي
لينك التقديم علي البرنامج من هنـــــــــــا
 

ثالث برنامج للهجرة ل الدنمارك اسمه

(Researcher and Guest Researcher Scheme and PHD Studies)
 
ده برنامج للناس اللي شغالين في مجال الأبحاث في بلدهم سواء شغالين في الجامعه او في المؤسسات البحثية الخاصه وعرفوا يتواصلوا مع جامعه أو معهد أو مؤسسه بحثية في الدنمارك وخدوا منهم دعوه سواء دعوه ضيف شرف للأشراف علي الأبحاث أو دعوه لتكملة أبحاثهم في الدنمارك ودي فرصه كبيرة للناس اللي بيدرسوا ماجستير أو دكتوراه في بلدهم وحابين أنهم يكملوا الماستر أو الدكتوراة بتاعهم في الدنمارك وبعدها يستقروا في الدنمارك .
فتقدر تعمل استكمال لرسالة الماجستير أو الدكتوراة في الدنمارك عن طريق البرنامج ده بالتحديد بس الاول بتجيب دعوه من اي جامعه أو مؤسسه بحثية في الدنمارك أنهم موافقين انك تكمل باقي رسالتك عندهم ال processing time للبرنامج ده شهر واحد ورسوم التقديم عباره عن 4295 كرونا دنماركي
لينك التقديم علي البرنامج  من هنــــا
 

رابع برنامج للهجرة ل الدنمارك اسمه

( Fast Track Scheme )
 
وده برنامج هجرة بتسمح فيه الدنمارك للمؤسسات الدنماركية اللي معتمدين ومسجلين في وزارة العمل الدنماركية اللي اسمها SIRI بتسمحلهم أنهم يستقدموا الأجانب أصحاب الكفاءات العالية من بره الدنمارك في طريق سريع جدا عشان يشتغلوا فورا من خلال البرنامج ده انت ممكن تسافر الدنمارك وتشتغل في خلال اسبوعين فقط.
 
  مميزات هذا البرنامج 
 
1- مش بتشترط وجود لغة
2- مش بتشترط وجود حساب بنكي 
 
شرطها الأساسي انك تجيب عقد عمل من المؤسسات الدنماركية 
 
س . ازاي تجيب عقد العمل ده ؟
 
هتدخل علي اللينكات دي
 
و دي لينكات كل الشركات والمؤسسات والمستشفيات والعيادات الدنماركية عشان تدور علي وظيفتك عندهم ولما بتلاقي حاجه تناسبك بتعمل حاجه من اتنين
 
أما انك تراسلهم بالأيميل و تبعتلهم ال CV بتاعك وتكتب معاه Cover letter خطاب توضيحي بيوضح خبراتك وشهاداتك وليه انت اخترت الدنمارك بالتحديد عشان تعيش فيها وليه اخترت شركتهم بالتحديد عشان تشتغل فيها وتستني ردهم عشان تعمل الانترفيو اونلاين 
 
  او انك هتلاقي الشركات والمؤسسات دول عاملين ابلكيشن للتقديم علي الوظائف الشاغرة دي من خارج الدنمارك فبتملي الابلكيشن وتجمع الورق المطلوب منك وترفقة مع الابلكيشن وتستني منهم رد عشان تعمل انترفيو معاهم اونلاين ولو قبلوك هيبعتولك العقد اونلاين
 
- لينك التقديم علي هذا البرنامج من هـــنــــا
 

خامس برنامج للهجره للدنمارك اسمه

( Start up Denmark )
* وده برنامج للناس ال عايزين يعملوا مشاريع صغيره او شركات ناشئة في الدنماركومش شرط أنه يكون عندك مشروع في بلدك عشان تقدم علي البرنامج ده كفايه بس أنه يكون عندك افكار مشاريع تقدر تشاركها مع مؤسسين ل مشاريع بالفعل في الدنمارك وقتها البرنامج ده هيكون مناسب جدا ليك وتقدر تسافر الدنمارك من خلالة يعني البرنامج كويس للناس اللي عندهم أما افكار مشاريع أو راس مال لمشاريع صغيرة وعايزين يستثمروا في الدنمارك
 
- لينك التقديم علي البرنامج من هــــنــــــــــــا
هل اعجبك الموضوع :

تعليقات