القائمة الرئيسية

الصفحات

إجراءات التقديم على تأشيرة أمريكا لأغراض السياحة و البيزنس

إجراءات التقديم على تأشيرة أمريكا لأغراض السياحة و البيزنس

الخطوة الاولى:
 
إستكمال نموذج طلب التأشيرة DS-160 
 
فى الخطوة دى بتكون مجهز صورة بالمواصفات المطلوبة عشان تعمل لها ابلود فى آخر خطوة فى الأبليكيشن
لما تتصور إطلب الصورة سوفت كوبى من ستوديو التصوير
بعدين بتوقعها الكترونيا و تطبع الكونفيرميشن
مش مطلوب منك تطبع الأبليكيشن كله فقط صفحة الكونفيرميشن
رقم الأبليكشين هتحتاجه فى الخطوة الجاية 
 
ملحوظة : الأبليكشين طويل و بيحتاج وقت ممكن تعمل حفظ بعد كل خطوة و تكمله على كذا مرة.
الأبليكشين بيكون متاح لفترة 30 يوم بعد كده بيتلغى و بتعمل واحد جديد.
بعد ما بتخلص الأبليكيشن بيطلع لك أوبشن لو عايز تعمل أبليكيشن لشخص تانى 
 
الخطوة التانية
بعد كده بتروح تعمل ملف شخصي على الموقع التالى 
 
فى الملف بتملا شوية بيانات شحصية و تدخل رقم الأبليكيشن اللى فات
بعد كده بيطلع لك أوبشن إستلام الباسبور بتختار مكان الإستلام
بعد كده بياخدك على صفحة الدفع بيفتح لك إستمارة فيها بياناتك بتطبعها و تروح بيها البنك تدفع
الإستمارة بتكون سارية لمدة خمس أيام من تاريخ التسجيل لازم تدفع رسوم الفيزا خلالهم و بعدها بتتلغى و لازم تعمل غيرها 
 
دفع الرسوم و قيمتها ما يعادل 160 دولار (بيكون مكتوب القيمة بالمصرى حسب سعر الصرف) في أى فرع من فروع بنك CIB 
 
البنك بيديك قسيمة الإيداع (CGI) و بتحتفظ بالنسخة الاصلية و بتقدمها مع ورق المقابلة.
تفعيل الدفع بياخد وقت على ما بيسمع فى الملف و يفتح مواعيد المقابلة تقريبا تانى يوم من الدفع و بيتبعت لك إيميل إن تم تفعيل عملية الدفع و تقدر تحدد موعد 
 
الخطوه الثالثة:
 
تحديد موعد المقابلة
لازم تحدد موعد قبل الإنترفيو لأن مفيش حد بيدخل للسفارة بدون ميعاد مسبق.
تحديد الموعد بيكون من خلال نفس الموقع و على نفس البروفايل اللى عملته فى الخطوة اللى فاتت
 
لازم تحدد موعد منفصل لكل شخص مقدم بما فيهم الأطفال
 
ملاحظات خاصة بالتقديم للأطفال 
 
- لايجب علي الاطفال تحت سن١٤ الحضورللمقابلة
- دفع مصاريف تقديم منفصلة لكل طفل
- ملئ استماره منفصله DS-160 لكل طفل
- تقديم صوره شخصية حديثة
- الحصول علي موعد منفصل لكل طفل
- يجب حضور الأم او الأب او الوصي نيابة عنهم في المقابلة
 
لمعرفة أقرب موعد قبل عمل الأبليكيشن من خلال الرابط التالى:
 
 
الخطوة الرابعة :
 
حضور المقابلة
يجب علي كل متقدم احضار المستندات المناسبة لنوع التأشيرة
على الجميع إحضار الأوراق التالية عند الحضور إلى السفارة:
 
- جواز سفر ساري
 
- صورة شخصية حديثه 5×5 سم مطابقة للمواصفات البيومترية المطلوبة
 
- إيصال دفع رسوم التأشيرة مع العلم أنه غير قابل للاسترداد او للتحويل.
 
- صفحة تأكيد ملئ الاستمارة (DS-160 ) لكل متقدم
 
- جميع جوازات السفر السابقة إن أمكن
 
- جواز سفر الزوج أو الزوجة حتى في حالة سفر أي من الطرفين بمفرده إن أمكن
 
- إثبات وضع إقامة أي اقارب في الولايات المتحدة (صورة من الجرين كارد أو جواز السفر الأمريكي)
 
- جميع المستندات التي تثبت روابط المتقدمين للتاشيرة في بلادهم. هذه الروابط تتضمن كشف حساب بنكى - خطاب HR - أو سجل تجارى و بطاقة ضريبية - أو شهادة قيد للطلبة - أى عقود ممتلكات 
 
يتم إتخاذ القرار أثناء المقابلة 
 
- إما بالقبول و يتم إرسال جواز السفر عن طريق شركة أراميكس إلى العنوان الذى تم تحديده 
 
- أو بالرفض 
 
- أو بالخضوع لإجراءات إدارية بمعنى حاجة السفارة إلى مزيد من الوقت لإتخاذ قرار بخصوص طلب التأشيرة الخاص بك

هل اعجبك الموضوع :

تعليقات